2024 წლის I კვარტალში სილქ ბანკმა განიცადა უპრეცედენტო ზრდა, მთლიანი აქტივები 127%-ით გაიზარდა 2024 წლის პირველ კვარტალში 2023 წლის I კვარტალთან შედარებით, ხოლო მთლიანი სესხები შთამბეჭდავი 226%-ით გაიზარდა 2024 წლის პირველ კვარტალში 2023 წლის I კვარტალთან შედარებით. საცალო დეპოზიტებმა 2024 წლის მარტის მდგომარეობით მიაღწია 32 მილიონ ლარს 2023 წლის პირველ კვარტალში პრაქტიკულად არარსებულ მაჩვენებელთან შედარებით.

წმინდა სესხები/მთლიანი დეპოზიტების კოეფიციენტი გაუმჯობესდა და 2024 წლის 31 მარტის მდგომარეობით 52.0% შეადგინა, რაც გამოწვეულია კლიენტთა დეპოზიტების დრამატული 732%-იანი ზრდით 2024 წლის პირველ კვარტალში 2023 წლის I კვარტალთან შედარებით. ბანკის მთლიანი ვალდებულებები წინა წელთან შედარებით 418%-ით გაიზარდა 2024 წლის პირველ კვარტალში.

2024 წლის I კვარტალში აღსანიშნავია სილქ ბანკის  საპილოტე პროგრამის „გაათანაბრეს“ წარმატებით დაწყება სოკარ გაზ ჯორჯიასთან თანამშრომლობით. ეს ინიციატივა სრულიად ცვლის იმას თუ როგორ მართავენ მომხმარებლები ბუნებრივი გაზის ხარჯებს, სთავაზობს მათ ფიქსირებულ ყოველთვიურ გადახდის გეგმას და მათზე მორგებულ ბილინგის(დამატებითი ინფორმაციისთვის ეწვიეთ www.gaatanbre.ge).

სილქ ბანკი ასევე განაცხადა განახლებული მობილური ციფრული პლატფორმის გაშვების შესახებ. ეს ინიციატივა ასახავს სილქ ბანკის მიზანს საკუთარ მომხმარებლებს მიაწოდოს საუკეთესო საბანკო მომსახურება (დამატებითი ინფორმაციისთვის ეწვიეთ www.silk.ge).

„სილქ ბანკი აგრძელებს ზრდას და ინოვაციების განხორციელებას. ჩვენ ვამაყობთ იმ ეტაპებით, რომლებსაც მივაღწიეთ 2024 წლის პირველ კვარტალში რაც მოიცავს ჩვენი „გაათანაბრე“ პროგრამის წარმატებით დაწყებას (ახლა 900-ზე მეტი მომხმარებელი სარგებლობს) და განახლებული მობილური პლატრფორმის გაშვებას. ეს მიღწევები ასახავს ჩვენს ურყევ ერთგულებას ჩვენი მომხმარებლებისთვის საუკეთესო და უახლესი მომსახურების მიწოდებისადმი.

ჩვენ ასევე მადლობელი ვართ ჩვენი ამჟამინდელი აქციონერების, რომლებმაც 2023 წელს ბანკში 9.8 მილიონი ლარი შეიტანეს. მათმა მხარდაჭერამ მნიშვნელოვანი როლი ითამაშა ჩვენს პროგრესში. მინდა მადლობა გადავუხადო მათ მუდმივი ნდობისა და ინვესტიციისთვის. მომავალში, ჩვენ ვგეგმავთ ჩვენი კაპიტალის ბაზის კიდევ უფრო გაძლიერებას სუბორდინირებული ვალის კონვერტირებით, რაც ხელს შეუწყობს ჩვენი მომავალი ზრდის ინიციატივებს“, – განაცხადა სილქ ბანკის გენერალურმა დირექტორმა ალექსი ხოროშვილმა.

მეტი ინფორმაცის სანახავად დააჭირეთ ლინკს